Чуулганаа хэн тасалсан бэ?

2015 оны 11 сарын 21

Сонгууль дөхөөд ч тэр үү, гишүүд чуулган, байнгын хорооны хуралдаандаа тогтож суух нь ховордох болсон.

Чуулганы үдээс өмнөх хуралдаанд сууж байсан гишүүн үдээс хойш хуралдаанаа “пялж” УИХ-ын даргаас чөлөө авалгүйгээр тойргоо зорих тохиолдол ч гарсан. УИХ-ын чуулганы өчигдрийн хуралдааны ирцийг сонирхвол УИХ-ын гишүүн Н.Алтанхуяг, Д.Арвин, Д.Лүндээжанцан, Ж.Энхбаяр нарын хэд, хэдэн гишүүн хуралдаа оролцолгүй шалтгаангүйгээр тасалжээ.

УИХ-ын гишүүн Р.Амаржаргал, М.Сономпил, Аж үйлдвэрийн сайд Д.Эрдэнэбат нар томилолтоор гадаадад ажиллаж байгаа бол Л.Эрдэнэчимэг, С.Оюун нар эмнэлгийн чөлөөтэй байжээ.

Ирцийн дэлгэрэнгүй мэдээллийг http://www.parliament.mn/sgh/categories/3104/pages/25895 энэ линкээс үзэх боломжтой.

Г.ХОРОЛ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна