Бельгид 16 хүнийг баривчилжээ

2015 оны 11 сарын 23

 

Бельгийн цагдаа нар Парисын халдлагын сэжигтэн Салах Абдесламыг баривчлахаар тусгай ажиллагаа явуулжээ. Цагдаа нар Бельгийн нийслэл Брюссель болон Шарлеруа хотноо нийт 22 байршилд тусгай ажиллагаа явуулж, 16 хүнийг баривчилсан байна. Гэвч Парисын халдлагын сэжигтэн Салах Абдесламыг барьж чадаагүй аж. Моленбеек дахь ажиллагааны үеэр цагдаа нар хоёр удаа гал нээж, нэг сэжигтэн шархаджээ.

 

Брюссельд болзошгүй халдлагаас сэрэмжлэн анхаарал сэрэмжийг дээшлүүлж, сургууль, их сургууль, метро зэргийг хаасан хэвээр байгааг Бельгийн ерөнхий сайд Шарл Мишелийн мэдээлэв.

 

Францын нийслэл Парис хотноо /XI.13/ гарсан халдлагын үлдсэн ганц сэжигтэн Салах Абдеслам Брюссельд бүгж байгаа хэмээн үзжээ. Абдесламын ах дүүсийн нэг Мухаммед баривчлагдаж, Брахим нь Парист амиа золиосолсон юм.

 

 

Б.АНХТУЯА

ЭХ СУРВАЛЖ: ВВС

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна