Өмнөд Азид дахин газар хөдөллөө

2015 оны 11 сарын 23

 

Пакистан, Тажикстантай хил залгаа орших Афганистаны зүүн хойд хэсгийн хотод орон нутгийн цагаар Даваа гаригийн /XI.23/ 02.16 цагт 5.9 магнитудын газар хөдөллөө. АНУ-ын Геологийн судалгааны төвөөс мэдээлснээр газар хөдлөлтийн голомт Афганистаны Хинду Куш бүс нутагт нийслэл Кабул хотоос 186 км зайтай газар байжээ.

 

Газар хөдлөлтийн чичирхийлэл Афганистан, Пакистаны хойд хэсэг болон Энэтхэгийн нийслэл Шинэ Дели хотноо мэдрэгдсэн аж. Одоогоор газар хөдлөлтийн улмаас үүссэн хохирлын мэдээлэл гараагүй байна.

 

Өмнө нь өнгөрсөн аравдугаар сарын 26-нд тус бүс нутагт 7.5 магнитудын газар хөдөлснөөс 280 орчим хүн амь үрэгдэж, 1800 гаруй хүн гэмтэж бэртсэн юм.

 

Б.АНХТУЯА

 

ЭХ СУРВАЛЖ: ASSOCIATED PRESS

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна