АН-ын Гүйцэтгэх зөвлөлийнхөн уулзалджээ

2015 оны 11 сарын 25

Ардчилсан намын Гүйцэтгэх зөвлөлийн 20 орчим гишүүд өнөөдөр цуглаж, тодорхой асуудлаар санал солилцжээ. Тодруулбал, Үндсэн хуулийн өөрчлөлтөө яах вэ, Ардчилсан хувьсгалын ойг хэрхэн тэмдэглэн өнгөрүүлэх талаар ярилцсан байна.

Жил бүрийн арванхоёрдугаар сарын 10-нд ардчилсан хувьсгалыг эхлүүлсэн өдөр тохиож, энэ өдрийг Ардчилсан нам тэмдэглэсээр ирсэн уламжлалтай.

Мөн зөвлөлдөх уулзалтаар “Ардчилсан намд бусад намууд нэгдэх тохиолдлыг хэрхэн зохицуулах вэ” тухай хөндөгджээ. Тодруулбал, Ардчилсан намд бусад намууд нэгдвэл тэдгээр намын төлөөллийг Ардчилсан намын Гүйцэтгэх зөвлөл, Үндэсний зөвлөлдөх хорооны гишүүнчлэлийн хэдэн хувьд оруулах. УИХ-д нэр дэвших квотыг тодорхой тогтоох, уг асуудлыг Ардчилсан намын дүрэмд тусгах зэрэг асуудалд Гүйцэтгэх зөвлөлийн гишүүд санал солилцсон байна. Ингэхдээ Ардчилсан нам, Иргэний зориг ногоон нам нэгдэх асуудал цаашдаа яригдаж магадгүй юм байна.

Г.ДАРЬ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна