Засгийн газар хоорондын хуралдаан болов

2015 оны 11 сарын 26

Худалдаа, эдийн засаг, шинжлэх ухаан, техникийн хамтын ажиллагааны Монгол, Оросын Засгийн газар хоорондын комиссын  ээлжит 19 дүгээр хуралдаан ОХУ-ын Чит хотноо 11 дүгээр сарын 22-24-ний өдрүүдэд болж өнгөрлөө. Комиссын хуралдааныг Монголын талаас Монгол Улсын Гадаад хэргийн сайд Л.Пүрэвсүрэн, Оросын талаас Оросын Холбооны Улсын Байгалийн нөөц, экологийн сайд С.Е.Донской нар ахлав.

Энэхүү хуралдааны үеэр хоёр талын хамтын ажиллагааны өргөн хүрээний асуудлаар, тухайлбал, зам тээвэр, түлш эрчим хүч, ашигт малтмал, аж үйлдвэр, барилга, хөдөө ахуй болон хүмүүнлэгийн салбарт хамтран ажиллах талаар санал солилцож, цаашид хэрэгжүүлэх арга хэмжээг хэлэлцсэн. Хуралдааны дүнгээр оролцогч талууд Протокол байгуулж, шийдвэрүүдийн хэрэгжилтэд анхаарч ажиллахаар тохиролцов.

ЭХ СУРВАЛЖ: ГАДААД ХЭРГИЙН ЯАМ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна