Пол Уолкерын эцэг Поршегийн эсрэг гомдол гаргав

2015 оны 11 сарын 27

Авто машины ослоор харамсалтай амиа алдсан жүжигчин Пол Уокерын үхлээс хойш бараг хоёр жилийн дараа эцэг нь Porsche Carrera GT машиныг түүний үхэлд буруутган шүүхэд гомдол гаргасан байна.

Тэрбээр хүүгийнх нь сууж явсан Porsche Carrera GT машины тоормозны систем сайн байсан бол хүү нь өдийд амьд байх байсан гэж үзэж байгаа бөгөөд Porsche Carrera GT загвар нь хяналтын системийн доголдолтой төдийгүй тодорхойгүй өөр согог ч байдгийг автомашин үйлдвэрлэгч мэдэж байсан гэжээ.

Пол Уокерын сууж явсан машиныг түүний найз унаж явсан бөгөөд машин мод мөргөж, гал авалцан шатсан билээ. Пол Уокер болон түүний найз газар дээрээ нас барсан юм. Пол Уокерын охин Мидоу өнгөрсөн есдүгээр сард мөн яг ийм гомдол гаргасан байдаг.

Харин Porsche компани Мидоугийн гомдлын хариуд өнгөрсөн арваннэгдүгээр сард Пол Уокер 2005 оны Porsche Carrera GT машинд сайн дураараа сууж явахдаа машин барьж яваа хүнд учирч болох бүх аюул, эрсдэлийг мэдэж байсан нь гарцаагүй” хэмээжээ. Porsche компани Пол Уолкерын эцгийн гомдолд хариу өгөөгүй байна.

Н. ЭНХ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна