Хятад Канадын мисст урилга явуулаагүй байна

2015 оны 11 сарын 27

БНХАУ-ын Саньяа хотноо “Miss World” буюу “Дэлхийн мисс“ тэмцээн болох гэж байна. Гэтэл тэмцээнийг зохион байгуулж буй Хятадын талаас Канадын мисс Анастасия Линд урилга явуулаагүй гэнэ. Урилгагүй учир Анастасия виз авч чадаагүй бөгөөд Хонгконгоос Саньяа руу нисэх онгоцонд сууж чадалгүй хоцорчээ.

Дэлхийн миссийг зохион байгуулагчид түүнд урилга явуулаагүй нь улс төрийн шалтгаантай байж магадгүй гэж Анастасия үзжээ. Учир нь тэрбээр АНУ-ын Конгресст Хятад дахь хүний эрхийн асуудлаар илтгэл тавьж байсан аж.

Хятад гаралтай Анастасия Лин Канадын миссээр шалгарч, “Дэлхийн мисс” тэмцээнд оролцох эрхийг авсан юм. Тэрээр 2003 онд Хятадаас Канадад нүүж ирсэн аж.

Б.АНХТУЯА

ЭХ СУРВАЛЖ: ВВС

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна