Д.Кунаевийн тэмцээнээс Д.Хүдэрбулга хүрэл медаль хүртэв

2015 оны 11 сарын 29

Казахстан улсын Жамбул мужийн Тараз хотын “Тараз-Арена” спортын цогцолборт тус улсын төр, нийгмийн нэрт зүтгэлтэн, Социалист хөдөлмөрийн гурван удаагийн баатар, академич Динмухамед Кунаевийн дурсгалд зориулсан чөлөөт бөхийн IҮ дэх уламжлалт олон улсын тэмцээн эхэлж, эхний өдөр 57, 65, 74, 97 кг-ын жингүүдийн барилдаан боллоо.

97 кг-ын жинд олон улсын хэмжээний мастер Д.Хүдэрбулга зодоглож нэгдүгээр тойрогт хийл, Тажикийн бөх Рустам Исканарийг 10:0, Казахстаны бөх Акбар Елубайулыйг 10:0 онооны харьцаагаар хожин хагас шигшээ барилдаанд Казахстаны бөх Мамед Ибрагимовт ялагдлаа. Хүрэл медалийн төлөө барилдаанд Тажикийн бөх Фахриддин Салимзодаг ялжээ.

Тэмцээний хоёр дахь өдөр буюу өнөөдөр 61, 70, 125 кг-ын жингүүдийн барилдаан болно.
 

Тэмцээний дүн:

57 кг:

1. Санаа Артас /Казахстан/
2. Владимир Кудрин /ОХУ/
3. Габит Толепбай /Казахстан/

 

65 кг:

1. Исраил Касумов /ОХУ/
2. Константин Кабалашвили /Гүрж/
3. Азамат Шагапулы /Казахстан/
3. Мейиржан Аширов /Казахстан/

 

74 кг:

1. Иннокентий Иннокентиев /Киргиз/
2. Галымжан Усербаев /Казахстан/
3. Еркобулан Тилеу /Казахстан/

 

97 кг:

1. Адлан Ибрагимов /ОХУ/
2. Мамед Ибрагимов /Казахстан/
3. Есболат Нуржумбаев /Казахстан/
3. Доржхандын Хүдэрбулга /”Ганьт” клуб, азийн аварга/

Д.ӨЛГИЙСАЙХАН (МЧБХ)

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна