УИХ 2013 оны төсвийн төслийг батлахдаа Хувь хүний орлогын албан татварын тухай хуульд нэмэлт, өөрчлөлт оруулахдаа нэг чухал заалт нэмсэн.

Тодруулбал, гадаад иргэдийн хадгаламж, мөн 100 саяас дээш төгрөгийн хугацаагүй хадгаламж,болон нэг жилээс доош хугацаатай хадгаламжаас татвар авах тухай заалт юм.

Их хэмжээний хадгаламжтай иргэдээс татвар авах, арилжааны банкуудыг урт хугацааны нөөцтэй байлгах зорилгоор энэхүү заалтыг оруулсан байна. Хуулийн нэмэлт өөрчлөлтийг батлахдаа 2016 оны нэгдүгээр сарын 01-нээс дагаж мөрдөнө хэмээн баталсан.

Засгийн газар энэ хугацааг хоёр жилээр хойшлуулах санал гаргаж, Хүн амын орлогын албан татварын тухай хуульд өөрчлөлт оруулах хуулийн төсөл өргөн барихаар болжээ. Өөрөөр хэлбэл, 100 сая төгрөгөөс дээш хугацаагүй болон нэг жилээс доош хугацаатай хадгаламжтай иргэд татвар төлнө гэхээс эмээх хэрэггүй юм.

Ж.ӨӨДЛӨН

ЭХ СУРВАЛЖ: www.mminfo.mn