"Анх Налайхын наадамд даага аман хүзүүдүүлж байсан"

2015 оны 12 сарын 2

Сэтгүүлч:
Улаанбаатар

Уралдаанч Д.Анхбаяр: Анх Налайхын наадамд даага аман хүзүүдүүлж байсан

АХ-ын 94 жилийн ойн баяр наадмаас...

-Ирмүүн хар азаргаа айргийн тавд хурдлуулсан Анхбаяртаа баяр хүргэе.
-Баярлалаа.

-Баяр наадмын талаарх сэтгэгдлээсээ хуваалцаач?
-Гоё болсон. Хар азарга маань гараанаас гарахдаа түрүүлээд, барианы доохон талд иртлээ өнгөлсөн.

-Азаргаа түрүүлчихлээ л гэж бодсон уу?
-Тэгсээн. Уг нь түрүүлэхээр байсан юм.

-Анхбаяр хэдэн настай вэ?
-Есөн настай. Таван настайдаа анх морь унаж сурсан.

-Анх ямар наадамд, ямар насны морь унаж байсан бэ?
-Таван настайдаа Налайхын наадамд даага унаж аман хүзүүдүүлсэн. Тэрний дараа Төв аймгийн Мөнгөнморьт суманд болсон уралдаанд даагаа гурваар давхиулсан.

-Ганбат уяачийн морийг хэзээнээс унаж байгаа вэ?
-Энэ жилээс. Тэрнээс өмнө өвөөгийнхөө уясан морийг л унадаг байсан.

-Өвөөг нь хэн гэдэг юм бэ?
- “Жаал” Дорж гэдэг юм. Баянцагаан сумын Алдарт уяач.

-Хэддүгээр ангид сурдаг билээ?
-Гурав дугаар ангид сурдаг.

-Морь унахын хамгийн гоё нь юу вэ?
-Давхих.Бас уралдаад түрүүлэх гоё.

-Том болоод ямар мэргэжилтэй болохыг хүсдэг вэ?
-Цагдаа болно. Цагдаагийн хувцас өмссөн хүмүүс гоё харагдаад байдаг юм.

-Мөрөөдлөө биелүүлээрэй. Амжилт хүсье.
-Баярлалаа.

А.Энхжил

ЭХ СУРВАЛЖ: www.todmagnai.mn

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна