Калифорнид халдлага гарч 14 хүн амь үрэгджээ

2015 оны 12 сарын 3

 

АНУ-ын Калифорни муж улсад Сан-Бернардино хотод зэвсэгтэй гурван хүн олон нийтийн үйлчилгээний төвд гал нээж 14 хүний амийг хохироон, 17 хүнийг шархтуулжээ. Хөгжлийн бэрхшээлтэй хүмүүст туслах төвд цэргийн хэв загвартай хувцас өмссөн гурван эрэгтэй орж ирэн гал нээсэн байна. Зэвсэгт этгээдүүд хар өнгийн автомашинд суун зугтсан тухай гэрчүүд мэдээлжээ. Халдлага гарснаас дөрвөн цагийн дараа цагдаа нар  хар өнгийн автомашиныг бүслэн зогсоож, буудалцсан байна. Энэ үеэр нэг хүн амь үрэгдсэн аж. 

 

Үүнээс долоо хоногийн өмнө Колорадо дахь  “Planned Parenthood” клиникт зэвсэгт этгээд гал нээж гурван хүний амийг хөнөөн, есөн хүнийг шархтуулсан юм.

 

Б.АНХТУЯА

 

ЭХ СУРВАЛЖ: ВВС

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна