АН сонгуулийн сурталчилгаагаа эхлүүлсэн үү?

2015 оны 12 сарын 3

“ТҮЦ машин нэвтрүүлж төрийн үйлчилгээг түгжрэлгүй болгосон гавьяа хэнийх вэ?”, “Аймгийн төвүүдийг засмалаар холбосон гавьяа хэнийх вэ?” гэсэн сурталчилгааны самбар өнөөдрөөс олны нэрлэж заншсанаар III-IV дүгээр хорооллын гудамжуудад байршиж олны хараа булааж эхэллээ. Дээрх өгүүлбэрүүд хэнийг магтан дуулж байгаа нь ойлгомжтой л аж. Засгийн эрх барьж буй Ардчилсан нам өнгөрсөн гурван жил гаруй хугацаанд юу хийснээ олон нийтэд сануулахаар шийдэв үү гэлтэй.

Гэтэл Ардчилсан намын гишүүдийн хэлж буйгаар энэ нь тус намаас хийсэн PR биш аж. Сөрөг хүчний зүгээс ийм юм хийчихэв үү гэдэг хардлага цахим ертөнцөд түгэж байна.

Шинэ он гарахад сонгуулийн сурталчилгаа хийх боломж хязгаарлагдана. Тиймээс эрх баригч хүчнийхэнд харин энэ нь үнэгүй PR болохыг үгүйсгэх аргагүй юм.

Г.ХОРОЛ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна