Чуулганы хуралдаан эхэллээ

2015 оны 12 сарын 4

УИХ-ын чуулганы хуралдаанаар Зөрчлийн тухай хуулийн төслийг хэлэлцэж байна. Өчигдрийн хуралдаанаар Эрүүгийн хуулийг шинэчлэн баталсан.

С.Одонтуяа: Эрүүл мэндийн тухай, эм хэрэгслийн тухай хуультай холбоотой зөрчлийн тухай асуудлыг суулгасан байна.  Эндээс харахад зөвхөн эмчийг Зөрчлийн хуулиар торгох гээд асуудлыг их дутуу тусгасан байна. Эрүүл мэнд бол бусад салбараас өөр. Хүний эрүүл мэндээр жуучлал авна гэж байхгүй.  Эцсийн хэлэлцүүлэг учраас энэ асуудлыг яаж тусгамаар байна. Торгуулийн хэмжээ ч бага байна.  Бусад салбарт хүн сонгож болдог. Эрүүл мэндийн салбар эмчээс хамаардаг. Тэгэхээр үүнийг маш нарийн зохицуулах шаардлагатай байна.

Д.Дорлигжав: Хуультай холбоотойгоор салбарын яамнаас санал авсан. Тэдний хэлсэн саналаар наад асуудлыг чинь оруулж ирсэн. Цаашдаа бол Эрүүл мэндийн салбарын хуулийг өөрчлдөх, хариуцлагын тогтолцоо өөрчлөх юм бол Зөрчлийн хуульд тусгах бололцоотой.

Д.Лүндээжанцан: Би ажлын хэсэгт байсан нь үнэн. Тээврийн эсрэг зөрчлийн хэсэг дээр замын хөдөлгөөний аюулгүй байдлын хариуцлагыг бүтэн оруулж чадсан уу. Хоёр шийтгэл нэг шийтгэл дор ороод байна.  Үүнийг авна гэж ажлын хэсэг дээр ярьж байсан юм. Үүнийг авсан уу, би тэр үед нь байхгүй байсан болохоор. Манай иргэд Эрүүгийн хуультай холбоотой асуудлыг асууж байна. Согтуугаар дахин машин баривал эрүүгийн хэрэг үүсгэхээ больсон уу гээд. 14 дүгээр зүйл гээд Зөрчлийн хуульд том зүйл байна. Тээвэр, зам аюулгүй байдалтайгаа ороод ирсэн. Замын аюулгүй байдал гээд том хууль баталсан шүү дээ, өнгөрсөн зун.

 Х.Тэмүүжин: ЗХ-ний аюулгүй байдалтай холбоотой хуульд дээр суулгасан аюулгүй байдал Зөрчлийн хууль дээр орж ирж байгаа. Хоёр шийтгэл давхцаж байна гэж ойлгож болохгүй. Цагдаа, шүүгч хоёр давхцсан эрх мэдэлтэй орж ирсэн. Үүнийг арилгахаар хууль  санаалчилж байгаа. Жижигхэн нэмэлтээр өөрчлөгдөнө.

Д.Лүндээжанцан: Согтуугаар машин барих явдлыг чангаруулах ёстой гэж боддог хүн. Согтуу хүний торгоод явуулчихна гэж утгагүй.

Хэлэлцүүлэг үргэлжилж байна.

Б.ХОНГОР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна