Д.Сумъяа хэсгийн аварга боллоо

2015 оны 12 сарын 4

Японы Токио хотноо жүдо бөхийн оны сүүлийн “Их дуулга” тэмцээн өнөөдөр эхэллээ. Эмэгтэйчүүдийн 57 кг-ын жинд барилдаж буй ОУХМ Д.Сумъяа хэсгийн аварга болж, мөнгөн медалийн төлөө Японы Цүкаса Ёшидатай барилдахаар онолт таарлаа.

“А” хэсгийг тэргүүлэн барилдсан Д.Сумъяа эхний тойрогт хийлж, Японы Мигүми Ишикава, Германы М.Ропер нарыг ялж, хагас шигшээд үлдээд байна.

Мөн эрэгтэйчүүдийн 66 кг-ын жинд Д.Төмөрхүлэг хүрэл медалийн төлөө барилдахаар үлдлээ.

Энэ өдөр барилдсан манай бусад жүдочдоос эрэгтэйчүүдийн 60 кг-д Д.Амартүвшин, эмэгтэйчүүдийн 48 кг-ын жинд гавьяат тамирчин М.Уранцэцэг нар торгуулийн барилдаанд ялагдлаа.

Токиогийн "Их дуулга" тэмцээний эмэгтэйчүүдийн 52 кг-ын жинд манай улсаас бөх барилдаагүй бөгөөд Японы дөрвөн жүдоч хагас шигшээд үлджээ.

Мөн эмэгтэйчүүдийн 48 кг-ын жинд Казахстан улсын нэрийн өмнөөс болж буй ОУХМ Г.Отгонцэцэг эхний тойрогт Косовогийн Дистриа Красниюүд ялагдан тэмцээнээ өндөрлүүллээ.

Ч.БОЛОР

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна