Оросын албаныханд халдахаар төлөвлөжээ

2015 оны 12 сарын 4

 

Тайландад өнгөрсөн аравдугаар сард ирсэн Сирийн 10 эрэгтэй Оросын албаныханд халдах зорилготой гэдгийг цагдаагийн газраас мэдээлжээ. Тэдгээр сиричүүдийг “Исламын улс” бүлэглэлтэй холбоотой хэмээн үзэж байгаа аж.

 

ОХУ-ын тагнуулын албанаас сэрэмжлүүлснээр өнгөрсөн аравдугаар сарын 15-31-ны хооронд Тайландад ирсэн Сирийн иргэд тус улсад суугаа Оросын албаныханд халдах төлөвлөгөөтэй байгаа гэнэ. Сэрэмжлүүлгийн дагуу Тайландын тусгай хүчний цагдаа нар Оросын албаныхны хамгаалалтад гарчээ.

 

ОХУ нь өнгөрсөн есдүгээр сараас Сирид агаарын цохилт өгч эхэлснээр “Исламын улс” бүлэглэлийн заналхийлэлд өртөх болсон юм. Түүнчлэн Исламын улс бүлэглэл өнгөрсөн аравдугаар сард Египетийн Синайн хойгт Оросын 224 хүнтэй онгоцонд тэсрэх бөмбөг дэлсэн билээ.

 

Б.АНХТУЯА

ЭХ СУРВАЛЖ: REUTERS

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна