Хятад юанийн ханшийг дахин буулгав

2015 оны 12 сарын 15

Фото: Zhengyi Xie / Zumapress/ Global Look Press

Хятадын ардын банк үндэсний валютын доллартай харьцуулсан ханшийг 137 гэсэн суурь заалтад буулгасан байна. Одоо нэг доллар нь 6,4495 юаньтай тэнцэх болсон тухай Хятадын валютын худалдааны CFETS системийн сайтад даваа гаригт мэдээллээ.

Өмнөх ханш буулгалт нь арванхоёрдугаар сарын 10-нд долларыг 6,42 юань гэж үнэлснээр хийсэн юм.

Хятадын Ардын банк энэ онд анх удаагаа юанийн ханшийг наймдугаар сарын 11-нд буулгасан юм. Үүний дараа гурав хоногийн дотор хятад валют доллартай харьцуулахад 4,6 хувиар хямдарсан байлаа. Дараа ханш нь чангарсаар аравдугаар сард доллар 6,32 юаниар арилжаалагдаж байв.

Арваннэгдүгээр сарын 30-нд Олон улсын валютын сан өөрийн нөөцийн валютын (SDR) тоонд юанийг оруулжээ. Нөөц валютынхаа тоонд шинэ мөнгийг оруулахаар ОУВС 35 жилийн дотор анх удаагаа шийдсэн нь энэ юм. SDR-т нь америк доллар, евро, британи фунт, япон иен ордог ба одоо тэдэн дээр юань тав дахь нь болон нэмэгдлээ.

Бэлтгэсэн Ш.МЯГМАР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна