Зорчигчийн баримт бичиг шалгах лабораторитой боллоо

2015 оны 12 сарын 16

Иргэний харьяалал, шилжилт хөдөлгөөний ерөнхий газрын Буянт-Ухаа дахь газарт Олон Улсын шилжилт хөдөлгөөний байгууллагын тусламжаар баримт бичиг шалгах лаборатори байгууллаа. Лабораторийн тоног, төхөөрөмж гардуулах ёслолд Иргэний харьяалал, шилжилт хөдөлгөөний ерөнхий газрын Дэд дарга бөгөөд даргын үүргийг түр орлон гүйцэтгэгч Л.Баатарчулуун, Буянт-Ухаа дахь газрын дарга Д.Мөнхбадрал, Олон Улсын шилжилт хөдөлгөөний байгууллагын Бүсийн төлөөлөгч Лилжерт Пар болон талуудын албаны төлөөлөл оролцлоо.

Паспорт болон хурууны хээ уншигч, вэб камер бүхий энэхүү лабораторийн тоног төхөөрөмж ашиглалтад орсноор баримт бичиг шалгахад дэвшил гарахаас гадна  манай улсад 2016 онд болох АСЕМ-ийн дээд хэмжээний 11 дэх удаагийн уулзалтын үеэр зорчигч, тээврийн хэрэгслийн бүртгэлийг шуурхай явуулах бэлтгэл хангагдах юм. Тус лабораторийг хэрхэн ашиглах талаар Буянт-Ухаа дахь газрын найман албан хаагчийг “Лабораторийн нарийвчилсан шалгалтын сургагч багш бэлтгэх сургалт”-нд хамруулжээ.

Д.ЖАГАР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна