Орос Украиныг чөлөөт худалдааны бүсээс хасна

2015 оны 12 сарын 17

 

ОХУ-ын ерөнхийлөгч Владимир Путин Украиныг чөлөөт худалдааны бүсээс хасах зарлигт гарын үсэг зуржээ. Украин Европын холбоотой чөлөөт худалдааны бүсийг нээх ирэх нэгдүгээр сарын 1-ны өдрөөс эхлэн ОХУ-тай хийсэн гэрээ нь цуцлагдах аж. Украин нь ОХУ-тай 2011 онд чөлөөт худалдааны гэрээ байгуулсан байв.

 

Украин Европын холбооны чөлөөт худалдааны бүсэд нэгдэх нь ОХУ-ын эдийн засгийн аюулгүй байдал, ашиг сонирхолд сөргөөр нөлөөлөхийг ерөнхийлөгч Владимир Путин мэдэгджээ. Украины чөлөөт худалдааны бүсээр дамжин Европын импортын бараа Орост татваргүй орж ирэх юм. Украин нь ОХУ-тай чөлөөт худалдааны бүсийг алдсанаар 600 сая ам.долларын хохирол амсахыг ерөнхий сайд Арсений Яценюк өмнө нь мэдээлсэн юм.

 

Үүний зэрэгцээ Украины засгийн газраас Крым хойгтой худалдаа хийхийг 30 хоногийн хугацаанд хориглох тухай мэдэгджээ.

 

Б.АНХТУЯА

 

ЭХ СУРВАЛЖ: ВВС

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна