Хятадад 22 барилга нуржээ

2015 оны 12 сарын 21

 

Хятадын өмнөд хэсгийн Шэньжэнь хотод том хэмжээний хөрсний нуралт болсноос аж үйлдвэрийн паркийн 22 барилга нурж, олон хүн нурангид даруулжээ. Гамшгийн бүсээс 900 орчим хүнийг аварч нүүлгэн шилжүүлсэн байна. Шэньжэнь хотын аврах албаны 1500 гал сөнөөгч нурангид даруулсан хүмүүсийг олж аврахаар ажиллаж байгаа аж.

 

Орон нутгийн хэвлэлд мэдээлснээр 59 хүн сураггүй болсон гэнэ. Хөрсний нуранги нийтдээ 20 мянган квадрат метр талбайг хамарч, замдаа таарсан байшин барилгыг бүрхэн авчээ. Хөрсний нурангид ажилчдын хоёр нийтийн байр өртөн нурсан аж.

 

Өмнө нь өнгөрсөн арваннэгдүгээр сард тус хотод хөрсний нуралт болсноос 25 хүн амь үрэгдсэн юм. Шэньжэнь нь Хятадын хамгийн том хотуудын нэг бөгөөд аж үйлдвэрийн төв юм.

 

 

Б.АНХТУЯА

ЭХ СУРВАЛЖ: ВВС

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна