“Гол ус тунгалагших цаг” ном худалдаанд гарлаа

2015 оны 12 сарын 21

Зохиолч, яруу найрагч Г.Мэнд-Ооёогийн баримтат уран бүтээлийн чуулган болох эсээ, нийтлэл, хөрөг, тэмдэглэлүүдийн шинэ эмхэтгэл “Гол ус тунгалагших цаг” нэртэйгээр хэвлэгдэн гарлаа. Уг номд зохиолчийн түүх, соёл, байгаль, экологийн сэдвээр бичсэн эсээ, нийтлэлүүдээс гадна, өөрийн цаг үеийн нэртэй уран бүтээлч, эрдэмтэн мэргэдийн тухай хөрөг, гадаад орнуудын соёлын ертөнцөөр аялсан тэмдэглэл зэрэг сонирхолтой бичвэрүүд, өөрийн уран бүтээлийн болон зохиогчийн дотоод ертөнцийг нээсэн эсээнүүд номд голлох байрыг эзэлсэн байна. 360 орчим хуудастай томоохон энэ номд яруу найрагч Г.Мэнд-Ооёогийн Монгол төрийн дээд шагнал - тэргүүн зэргийн одон “Чингис хаан” одон хүртээд хэлсэн үгийг “Хэлсэн үгэндээ эзэн нь өөрөө оршиж байдаг” гэсэн гарчигтайгаар нийтэлжээ.

Г.Мэнд-Ооёогийн “Гол ус тунгалагших цаг” баримтат зохиолын чуулган энэ ном цаг үеэ илэрхийлсэн уран бүтээлчийн сэтгэлийн толь болсон төдийгүй, залуу үеийнхэн өөрсдийн дотоод ертөнцөө илэрхийлж сурахад гарын авлага болохоор сонирхолтой ном болсон байна.

“Гол ус тунгалагших цаг” ном өнөөдрөөс эхлэн номын дэлгүүрүүдээр худалдаалагдаж эхэллээ.

Ч.БОЛ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна