Хэнтий аймгийн жүдочид хүрэл медаль хүртжээ

2015 оны 12 сарын 21

Сэтгүүлч:
Хэнтий

Монголын жүдо бөхийн холбооны дэргэдэх Монголын “Жүдо академи”-ийн нэрэмжит өсвөр үе, залуучуудын багийн тэмцээн энэ сарын 20-нд Спортын төв ордонд боллоо. Тав дахь удаагийн тус тэмцээний өсвөрийн ангилалд 17, залуучуудад есөн багийн нийт 200 гаруй тамирчин өрсөлдөв.

Өсвөрийн ангилалд О.Чинбат дасгалжуулагчтай Монголын “Жүдо академи”-ийн тамирчид тэргүүлж, Ц.Шийрэв дасгалжуулагчтай ОБЕГ-ын “Аврагч” спорт хороо, Ц.Алтанцог дасгалжуулагчтай Хэнтий аймгийн багууд мөнгө, хүрэл медаль хүртжээ.

Залуучуудын ангилалд Ц.Шийрэв дасгалжуулагчтай ОБЕГ-ын “Аврагч” спорт хорооны жүдочид түрүүлж, Р.Анхбаатар, Д.Баярмагнай дасгалжуулагчтай Монголын “Жүдо академи”,  гавьяат дасгалжуулагч Г.Энхбаяр дасгалжуулагчтай “Женко” клубийн тамирчид мөнгө, хүрэл медалийн эзэд болов.   

Ч.БОЛОР

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна