Эрх баригч нам сонгуульд ялжээ

2015 оны 12 сарын 21

Мариано Рахой (төвд нь)

Фото: Eduardo / Xinhua / Zumapress / Global Look

 

Испанийн парламентын сонгуульд Ерөнхий сайд Мариано Рахойны эрх баригч Ардын нам ням гаригт яллаа гэж Reuters дамжууллаа. Экзит-полын дүнгээр Ардын нам нь 350 суудалтай парламентад 114 – 124 мандат авч байна. Парламентын үнэмлэхүй олонх болоход түүнд 52-62 суудал дутаж байна.

 

Сөрөг хүчний Социалист нам хоёрдугаарт (79-85 мандат), зүүний радикал Podemos нам гуравт (70-80 мандат), либерал Ciudadanos нам (46-50 мандат) дөрөвдүгээрт орох магадлалаар өндөр явна.

 

Ойрын хэдэн долоо хоногт засгийн газар байгуулах  хэлэлцээр явагдана. Испанийн Үндсэн хууль нь засгийн газар байгуулах тодорхой хугацааг тогтоож өгдөггүй юм.

 

Бэлтгэсэн Ш.МЯГМАР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна