Дампуурлын эрх зүйн чиглэлээр хэлэлцүүлэг боллоо

2015 оны 12 сарын 21

АНУ-ын Калифорни мужийн Нэгдсэн улсын шүүгч асан ноён Самуэл Л.Баффорд Монголын Хуульчдын холбооны урилгаар Монгол Улсад хүрэлцэн ирсэнтэй холбоотойгоор Иргэний хэргийн шүүгчидтэй дампуурлын эрх зүйн чиглэлээр уулзалт, хэлэлцүүлгийг 2015 оны 12 сарын 18-ны өдөр Шүүхийн ерөнхий зөвлөлийн 102 тоот танхимд зохион байгууллаа. Энэхүү уулзалт, хэлэлцүүлэгт АНУ-ын Калифорни мужийн Нэгдсэн улсын шүүгч асан ноён Самуэл Л.Баффорд, профессор Жули Метцгер, дүүргийн Иргэний хэргийн анхан болон давж заалдах шатны шүүхийн шүүгчид, шүүхийн захиргааны албан хаагчид оролцлоо.

Ноён Самуэл Л.Баффорд, профессор Жули Метцгер нар АНУ, Европын зарим улсуудын дампуурлын эрх зүйн зохицуулалт, төлбөрийн чадваргүйдэл, дахин хөрөнгөжих зэрэг дампуурлын эрх зүйн чиглэлийн өргөн хүрээний асуудлаар мэдээлэл өгч, Эквадор, Зүүн Европын зарим улсын дампуурлын тухай хуулийн төслийг боловсруулж байсан туршлагаасаа хуваалцан, дүүргийн Иргэний хэргийн анхан шатны шүүхийн шүүгчдийн сонирхсон асуултад хариулж санал солилцлоо. Мөн шүүгчид Монгол Улсын дампуурлын эрх зүйн тогтолцоонд тулгамдсан асуудлуудыг хөндөж, Дампуурлын тухай хуулийг олон улсын туршлагад тулгуурлаж шинэчлэн боловсруулж, батлах хэрэгтэй талаар хөндсөн юм.

Л.ХАЛИУ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна