69.2 тэрбумын зээл олгожээ

2015 оны 12 сарын 22

Банкууд өнгөрсөн сард 1075 зээлдэгчид 69.2 тэрбум төгрөгийн ипотекийн зээл шинээр олгожээ. Ингэснээр ипотекийн зээлийн үлдэгдэл 3412.9 тэрбум төгрөг, нийт зээлдэгчдийн тоо 76583-д хүрсэн байна. Тухайн сард олгосон ипотекийн зээл өмнөх сараас13.9 хувиар, өмнөх оны мөн үетэй харьцуулбал 14.9 хувиар буурсан үзүүлэлттэй гарчээ. Банкууд өөрийн эх үүсвэрээр 22.8 хувь буюу777.5 тэрбум төгрөгийн зээл, “Орон сууцны ипотекийн санхүүжилтийн тогтвортой тогтолцоог бүрдүүлэх хөтөлбөр”-ийн хүрээнд 75.3 хувь буюу 2570.2 тэрбум төгрөгийг зээл олгосон байна. Ипотекийн зээлийн үлдэгдлийн 98.5 хувь нь төгрөгийн зээл, 1.5 хувь нь гадаад валютын зээл бөгөөд чанаргүй зээлийн эзлэх хувь 0.7 хувьтай гарчээ.

Б.БАТ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна