Зам тээврийн ослоос сэргийлэхийг сануулав

2015 оны 12 сарын 23

Сэтгүүлч:
Улаанбаатар

Өнгөрсөн амралтын өдрүүдэд Улаанбаатар хотын Замын цагдаагийн газар нийт 758 дуудлага хүлээн авснаас зам тээврийн ослын 598 дуудлагыг бүртгэсэн байна. Үүнээс согтууруулах ундаа хэрэглэсэн үедээ зам тээврийн осол гаргасан жолооч хоёр, осолдсон таван явган зорчигч өртөж, зам тээврийн осолд дөрвөн хүүхэд өртсөн байна. Замын цагдаагийнхан согтуугаар тээврийн хэрэгсэл жолоодсон 113 жолоочийг илрүүлжээ. Тухайлбал, Сонгинохайрхан дүүргийн нутаг Орбитын зам, Нефтийн баазын баруун замд Isuzu Eif маркийн авто машины жолооч Ж нь явган зорчигч 44 настай эрэгтэй Э-г мөргөж амь насыг нь хохироосон хэрэг гарчээ. Харин орон нутагт Хэнтий аймгийн Жаргалтхаан сумын Дуутын даваа гэх газар жолооч Б Audio машинтай онхолдож зорчигч 53 настай эмэгтэй А нас барсан байна. Иймд өнөөдрөөс ерөнхий боловсролын сургуулийн бага ангийн сурагчдын улирлын амралт эхлэж байгаатай холбогдуулан эцэг эхчүүд хүүхдэдээ тавих хараа хяналтаа сайжруулах, хэрэв хүүхэд зайлшгүй замын хөдөлгөөнд оролцох бол асран хамгаалагчтай замын хөдөлгөөнд оролцуулахыг анхаарууллаа.

 Г.ТУУЛ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна