Б.Төрболд сонирхогчийн ёкозүна болжээ

2015 оны 12 сарын 23

Саяхан Токио хотноо Японы сонирхогчийн сүмогийн аварга шалгаруулах тэмцээнд Монголын бөх Б.Төрболд түрүүлжээ. Тэрбээр шөвгийн барилдаанд энэ жилийн дэлхийн аварга Курокаваг өвдөг шороодулсан байна. Б.Төрболд энэхүү тэмцээнд түрүүлснээр сонирхогчийн сүмогийн тэмцээнд ёкозүна цол хүртсэн анхны бөхөөр тодорлоо.

Б.Төрболд нь Японы Нихон их сургуулийн гуравдугаар дамжааны оюутан бөгөөд ирэх 2016 онд сургуулийнхаа сүмогийн шигшээ багийн ахлагчаар томилогдон ажиллахаар болжээ. Тэрээр хоёр жилийн өмнө Японы аварга шалгаруулах тэмцээнд хүрэл медаль хүртэж байсан бол өнгөрсөн жил гэмтлийн улмаас зодоглоогүй байна.

Ч.БОЛОР

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна