Япон улс төсвөө 800 тэрбум ам.доллараар батлав

2015 оны 12 сарын 24

 

Японы ерөнхий сайд Шинзо Абегийн Засгийн газар өнөөдөр /XII.24/ ирэх 2016 оны улсын төсвийг хэлэлцэн баталжээ. Японы ирэх оны улсын төсөв 96.72 их наяд иен буюу ойролцоогоор 800 тэрбум ам.доллар байхаар баталсан байна. Тус улсын өнгөрч буй 2015 оны улсын төсөв 96.3 их наяд иен юм.

 

Японы улсын төсөвт хурдацтай нэмэгдэж буй хүн амын насжилтын улмаас нийгмийн халамжид илүү мөнгө зарцуулахаар тусгасан байна. Мөн Шинзо Абегийн засгийн газар улсын төсөвт цэргийн зардлыг таван их наяд иен байхаар тусгажээ.

 

Японы ирэх оны улсын төсвийн нэлээд хувийг татварын орлогоос бүрдүүлэхээр төлөвлөсөн аж. Японы татварын орлого 57.6 их наяд иенд хүрснээр улсын зээлийн хэмжээг 2008 оноос хойш хамгийн бага түвшинд хүргэн багасгах боломжийг олгосон байна.

 

Б.АНХТУЯА

 

ЭХ СУРВАЛЖ: REUTERS


 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна