Хоёр хүүхэд гэртэйгээ шатжээ

2015 оны 12 сарын 24

Сэтгүүлч:
Өвөрхангай

Өвөрхангай аймгийн Арвайхээр сумын тавдугаар багийн нутагт бага насны хоёр хүүхэд гэртэйгээ шатсан харамсалтай хэрэг гарчээ. Өчигдөр орой 19.55 цагийн үед аймгийн Онцгой байдлын газарт гэр шатаж байгаа дуудлага ирсэн байна.

Галын улмаас гэрт байсан гурван настай эрэгтэй, хоёр настай эмэгтэй хүүхэд амиа алджээ.

2015 он гарсаар улсын хэмжээнд нийт 4377 удаагийн объектын гал түймэр бүртгэгджээ. Гал түймрийн аюулд 34 хүн түлэгдэж гэмтсэний 10  нь бага насны хүүхэд, харин гал түймрийн улмаас амь насаа алдсан 50 хүний 12 нь бага насны хүүхэд байгаа юм.

Албаныхны өгч буй мэдээллээр бол гал ихэвчлэн пийшингийн буруу галлагаа, хэт галлах, үнс нурмаа ил задгай асгах, гэр ахуйн цахилгаан хэрэгсэл, шугам сүлжээний ашиглалт, угсралтын буруу холболт зэрэг иргэдийн санамсар болгоомжгүйгээс гарч байгаа гэв.

Б.ЗАЯА

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна