Өвөрхангай аймаг хамгийн олон мал тоолуулжээ

2015 оны 12 сарын 24

Үндэсний статистикийн хорооноос мал тооллогын 2015 оны урьдчилсан дүнгийн талаар өнөөдөр танилцууллаа. Өнөөдрийн байдлаар Монгол улсын малын тоо 55 сая 957 мянгад хүрсэн байна. Сүргийн бүтцэд адууны эзлэх хувь 0.1-0.2 пунктээр өсч, хонь ямааных харин 0.1-0.2 пунктээр буурч, тэмээний эзлэх хувь өмнөх оны түвшинд байгаа юм. Хамгийн олон мал тоолуулсан аймгаар Өвөрхангай шалгарч, Төв, Хөвсгөл, Баянхонгор аймгууд араас нь жагсчээ. Түүнчлэн жил бүр малгүй болсон өрхийн тоо, шинээр малтай болсон өрхийн тоог Үндэсний статистикийн хорооноос гаргасан байна.

Хамгийн олон үхэртэй аймаг Архангай, олон тэмээтэй нь Өмнөговь, олон хоньтой нь Архангай, хамгийн олон ямаатай аймаг Баянхонгор гээд хамгийн хамгийнх нь ч тодруулжээ. Мөн малчин өрхийн гэрийн тэргүүний боловсролын түвшнийг ч ангилсан байна. Тодруулбал, малчин өрхийн гэрийн тэргүүний 42 хувь нь суурь боловсролтой, 30 хувь нь бага боловсролтой 1.9 хувь нь дээд боловсролтой байгаа юм.

Д.УЛАМБАЯР

Зураглаач Н.БАТМӨНХ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна