Л.Одгэрэл олон улсын I зэргийн шүүгч болжээ

2015 оны 12 сарын 26

Монголын хүндийн өргөлтийн холбооны шүүгч Л.Одгэрэл олон улсын 1-р зэргийн шүүгч болжээ. Тэрбээр өнгөрсөн сард АНУ-д болсон насанд хүрэгчдийн ДАШТ-ий үеэр олон улсын шүүгчийн зэрэг ахиулах шалгалтыг өгсөн байна.

Олон улсын 1-р зэргийн шүүгч болсноор олон улсын хүндийн өргөлтийн бүх тэмцээн болон Олимпийн наадамд шүүгчээр ажиллах эрхтэй болдог байна.

Л.Одгэрэлийн хувьд Монголын хүндийн өргөлтийн холбооны анхны эмэгтэй 1-р зэргийн шүүгч төдийгүй эмэгтэй дасгалжуулагч, олон улсын медальтан гээд олон анхдагчын нэг юм. Тэрбээр өдгөө Сүхбаатар аймгийн БТСГ-т мэргэжилтэнээр ажиллаж байгаа бөгөөд зүүн бүсэд хүндийн өргөлтийн спортыг хөгжүүлэхэд өөрийн хувь нэмрээ оруулж байна. Энэхүү спортыг орон нутагт хөгжүүлэхэд анхааран ажиллаж буй эмэгтэй шүүгч, дасгалжуулагч болж байгаа нь мөн л анхдагч аж.

Дашрамд дуулгахад, АНУ-ын Техас мужийн Хьюстон хотноо хүндийн өргөлтийн насанд хүрэгчдийн ДАШТ 11 дүгээр сарын 23-29-ний өдрүүдэд болсон. Тус тэмцээнд манай улсаас эрэгтэй, эмэгтэй бүтэн багаараа оролцсоноос эмэгтэйчүүдийн 69 кг-ын жинд М.Анхцэцэг VIII байрт орсон юм. Энэ жил 18 настай М.Анхцэцэг энэхүү амжилтаараа “Бөртэ чоно” наадмын шилдэг залуу тамирчны шагналыг хүртсэн.

Ч.БОЛОР

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна