Сураггүй болсон өвөөг олжээ

2015 оны 12 сарын 27

Баянхонгор аймгийн Баянхонгор сумын Угалз багийн дөрөвдүгээр хорооны иргэн 74 настай О гэгч өвгөн арванхоёрдугаар сарын 25-ны өдрийн 15:30 цагт гэрээсээ гараад сураггүй болсон тухай ар гэрийнхэн нь  онцгой байдлын газарт мэдэгджээ. Дуудлагын дагуу тухайн өдрийн 21:10 цагаас эхлэн эрэлд гарчээ. Эрлийн ажиллагаанд  Онцгой байдлын газрын 11 алба хаагч оролцсон байна. Өвөөг алга болсны маргааш буюу арванхоёрдугаар сарын 26-ны өдрийн 01:58 цагаас эхлэн Түйн голын эргийн бургасанд эрэн хайх ажиллагааг зохион байгуулсан боловч үр дүнд хүрээгүй байна.  Эрлийг Баянхонгор сумын нутаг дэвсгэрт үргэлжлүүлж, үдшийн 22:10 цагт Номгон багийн 81 дүгээр байрны суурийн давхраас эсэн мэнд олжээ. Алга болсон өвөөг амьд сэрүүн олж, ар гэрийнхэнд нь хүлээлгэн өгсөн байна.

М.СУРА

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна