Итали улс Улаанбаатарт ЭСЯ-аа нээнэ

2015 оны 12 сарын 28

Бүгд Найрамдах Итали Улсын Засгийн газар улиран одож буй 2015 оны сүүлийн хуралдаанаа Зул сарын баярын өмнөх өдөр буюу арванхоёрдугаар сарын 23-нд хийж олон асуудал хэлэлцсэний нэг нь Монгол Улсад Итали Улсын ЭСЯ-ыг нээх асуудал байсан байна. Энэхүү асуудлыг Итали Улсын Гадаад хэрэг, олон улсын хамтын ажиллагааны сайд Паоло Жентилони хуралдаанд оруулж, Засгийн газрын гишүүд санал нэгтэй дэмжсэнээр Итали Улс Улаанбаатар хотод ЭСЯ-аа нээхээр боллоо.

Энэхүү шийдвэрийг Италийн Засгийн газар гаргахдаа хоёр орны улс төрийн харилцаа сүүлийн жилүүдэд идэвхтэй хөгжиж байгаа, Монгол Улстай эдийн засаг, худалдаа, хөрөнгө оруулалтын салбарт хамтын ажиллагаа хөгжүүлэх өргөн боломж нээгдэж байгаа, Монгол Улс Ром хотод ЭСЯ-аа нээн ажиллуулж байгаа зэргийг юуны өмнө харгалзан үзсэнээс гадна мөн соёлын харилцааг гүнзгийрүүлэх хоёр талын хүчтэй сонирхол байгаа гэдгийг үндэслэн шийдвэрээ гаргасан тухай Италийн Гадаад хэргийн сайд Паоло Жентилони мэдэгдсэн байна.

Д.ЦЭЭЛ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна