Дэлхийн шилдэг тамирчид тодорлоо

2015 оны 12 сарын 31

Усэйн Болт

Фото: imago sportfotodienst / Global Look

Олон улсын спортын хэвлэлийн холбоо (AIPS) жилийн дүнгээр шилдэг тамирчдыг нэрлэснийг тус байгууллагын сайтад нийтэлжээ. Шилдгийг тодруулахад 91 орны спортын сэтгүүлчид саналаа ирүүлсэн байна.

Эрэгтэйчүүдийн дундаас шилдэг тамирчнаар дэлхийн аваргаас гурван алтан медаль авсан Ямайкийн гүйлтийн тамирчин Усэйн Болт шалгарав. Түүний дараа дэлхийн нэг дугаарын теннисчин Новак Жокович, Аргентины хөлбөмбөгчин Лионль Месси нар бичигдэв.

Эмэгтэйчүүдийн шилдгээр Америкийн теннисчин Серена Уильямс, дараа нь этиопын тамирчин 1500 метрийн зайн дэлхийн аварга Гензебе Дибаба, 200 метрийн гүйлтийн дэлхийн аварга ниедерланд бүсгүй Дафна Схипперс нар бичигдлээ.

AIPS оны шилдэг багаар Барселонаг шалгаруулсан бөгөөд оны шилдэг спортын үйл явдлаар Бээжингийн хөнгөн атлетикийн ДАШТ-нийг нэрлэжээ.

Бэлтгэсэн Ш.МЯГМАР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна