Энэтхэгийн нисэх баазад довтолжээ

2016 оны 1 сарын 2

Фото: Twitter / @ANI_news

 

Зэвсэглэсэн дайчид нэгдүгээр сарын 2-ны өдөр Пакистаны хилийн орчим байрласан Энэтхэгийн Нисэх хүчний баазад довтолжээ. Хууль хяналтынхны мэдээллийн дагуу энэ тухай Rappler.com агентлаг дамжуулсан байна.

 

“Хэт даврагчид орон нутгийн цагаар 03:30 орчим баазад довтолсон ба одоо буудалцаан үргэлжилж байна” гэж орон нутгийн цагдаагийн газрын тэргүүн хэлжээ. Пенжаб мужийн Патханкот хот дахь цэргийн байгууламжид довтолсон хоёр дайчинг устгасан ба бусад нь баазын нутаг дэвсгэрт буудалцаж байгаа гэнэ.

 

The Indian Express мэдээлснээр, тэд баазад нэвтрэхийн тулд урд өдөр нь хулгайлсан цагдаагийн машиныг ашигласан гэнэ. Мөн дайчид цэргийн дүрэмт хувцас өмссөн байжээ.

 

Бэлтгэсэн Ш.МЯГМАР

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна