Юанийн ханш уналаа

2016 оны 1 сарын 6

Хятадын хөрөнгийн зах зээлийн уналтыг дагаад юанийн ханш  өнгөрсөн оны наймдугаар сараас хойш хамгийн доод хэмжээнд хүртэл уналаа.

Хятадын Ардын банк юанийн доллартай харьцуулсан ханшийг 6,5172 гэж албан ёсоор тогтоосны дараа, Шанхайн Spot зах зээлд үндэсний валют нь  6,5332 хүртэл буурчээ.

Гонконгийн арилжаа дээр таван жилийн хамгийн бага  ханшаар долларт 6,6329 юанийг өгч байна.

"Юанийн ханш буурч байгаад Төв банк  тайван хандаж байгаа учир нь зах зээл өөрөө валютын ханшийг тогтооно” гэж BBVA банкны эдийн засагч Ся Лэ өгүүлэв.

Хятадын хөрөнгийн зах зээл оны эхний өдрийн арилжаагаар огцом унасан юм. Хятадын аж үйлдвэрийн салбарт ажил хэргийн идэвх буурсан гэх мэдээ хэвлэгдсэн нь уг уналтыг үүсгэжээ. Арилжаа хаагдахаас хоёр цагийн өмнө Shanghai Composite индекс 6,86%-иар, CSI300 нь 7,02%-иар унасан учир арилжааг дараагийн өдөр хүртэл хаасан юм. Нэгдүгээр сарын 4-нөөс эхлэн CSI дэх үнийн хэлбэлзэл 5% байгаа бол арилжааг 15 минутаар зогсоох, биржийн индекс 7%-иар унасан бол арилжааг маргааш хүртэл нь хаах журам  үйлчилж байна.

Хятадын Ардын банк нь 4-ний уналтын дараа буюу өчигдөр санхүүгийн системд 130 тэрбум юанийг гаргав.   

Бэлтгэсэн Ш.МЯГМАР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна