Сонгуулийн хуулийн эцсийн найруулгыг сонсоно

2016 оны 1 сарын 8

Шинэ он гарахын өмнө УИХ Сонгуулийн хуулийг баталсан бөгөөд өнөөдрийн чуулганы нэгдсэн хуралдаанаар эцсийн найруулгыг сонсохоор болжээ.

Хуульд зааснаар УИХ баталсан хуулийнхаа эцсийн найруулгыг сонссоноор Ерөнхийлөгч мөн давхар хянаж, хориг тавих эсэхээ шийддэг. Мөн “Төрийн мэдээлэл” сэтгүүлд хууль хэвлэгдэж хүчин төгөлдөр үйлчлэх боломжтой болдог.

Сонгуулийн хуульд УИХ, аймаг, нийслэлийн Иргэдийн Төлөөлөгчдийн хурлын сонгууль нэг өдөр зохион байгуулахаар заасан юм. УИХ-ын 76 гишүүний 48 нь тойргоос, 28 нь пропорцианалиар буюу хувь тэнцүүлсэн хэлбэрээр сонгогдох ёстой.

Гэвч парламентад суудалгүй намуудын төлөөлөл Сонгуулийн хууль нь Үндсэн хууль зөрчсөн гэх асуудлыг хөндөөд буй.

Г.ДАРЬ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна