Цусан халдварт өвчин гарчээ

2016 оны 1 сарын 8

Сэтгүүлч:
Өвөрхангай

Өвөрхангай аймгийн Тарагт сумын Алтан тал багийн Олон дов гэдэг газарт өвөлжиж буй малчны хотонд цусан халдварт өвчин гарчээ. Өнгөрсөн оны арванхоёрдугаар сарын 27-нд тус айлын сарлагийн хоёр тугал үхсэн бөгөөд дээж авч шинжлэхэд тугалнууд цусан халдварт өвчнөөр үхсэн болох нь мал эмнэлгийн лабораторийн шинжилгээгээр батлагдсан байна.

Тиймээс Тарагт сумын Засаг даргын А/27 тоот захирамжаар хуучин оны сүүлчийн өдрөөс эхлэн 14 хоногийн хугацаатай хорио цээрийн дэглэм тогтоож, уг малчны хотонд ариутгал халдваргүйжүүлэлт хийж, бүх малыг вакцинжуулжээ. Цусан халдвар гэх уг өвчин нь үхэр, хонь, ямаа, адуу, гахай, тахиа, шувуу зэрэг амьтанд "pasteurel- la multocida" гэх бичил биетэн халдварлан, эд эрхтэнд нь цусархаг болон үжилт үрэвсэл үүсгэдэг аж. Үүнийг цусан халдвар гэдэг бөгөөд цусанд орсон үүсгэгч олширч, элэг, бөөр, дэлүүг гэмтээж малыг 12-36 цагийн дотор үхүүлдэг халдвар өвчин юм байна.

ЭХ сурвалж: www.mminfo.mn

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна