Цаа бугын тоо 1855 хүрчээ

2016 оны 1 сарын 14

Хөвсгөл аймгийн цаа бугын сүрэг өнгөрсөн жил 117-гоор өссөн гэх мэдээлэл байна. Цаатан иргэдийг төр засгаас дэмжиж тэдний амьдралын төвшинг сайжруулах, цаа бугыг сэргээх хөтөлбөрийг хэрэгжүүлж “Тайгад амьдардаг цаатан” журмын дагуу сар бүр тэтгэмж олгож байгаа билээ. Энэ хөтөлбөрийн үрээр цаатан иргэд орлоготой болж цааг идшиндээ хэрэглэхээ больсон байна. Тиймээс цааны тоо толгойг өсгөх сонирхол ч нэмэгджээ. Цаа өссөнөөр хүүхдүүдээ их, дээд сургуульд сургах, өөрсдөө эрүүл мэндийн үзлэг оношилгоонд хамрагдах, аялал жуулчлалаас тодорхой орлого олох зэрэг амьжиргаагаа дээшлүүлэх нөхцөл бүрдсэн байна. Монгол Улсын нийт цаа бугын тоо толгой 1855-д хүрсэн байна. 

Б.БАТ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна