Ирээдүйн хүн далайн хав, нугастай адил болно

2016 оны 1 сарын 14

Фото: imagebroker.net / Global Look

 

Палеоантропологч Мэтью Скиннер гэдэг Кентийн их сургуулийн эрдэмтэн хүний  сарвуунуудад усны  шувууных  шиг  хальс үүсч,  далайн хав шиг өөхний давхрага нь нэмэгдэнэ гэсэн  таамаглал дэвшүүлэн түүнийгээ Extant  тохимолд хэвлүүлжээ. Хүний хөгжлийн шинэ үе нь  далайн  төвшин нэмэгдсэнтэй холбоотойгоор  гарч ирэх гэнэ. Хүний үе мөч уртсаж сарвуунд  нимгэн хальс гаран холбогдох нь түүнийг усаар хурдан хөдөлгөөнтэй болгох гэнэ.

 

Скиннер хэлэхдээ хүний мөч уртсахаас гадна усан дор удаан байхын тулд  уушигны хэмжээ багасах бөгөөд нүд нь булингартай усанд сайн  харж  байхын тулд  яг муурных шиг болно гэв.

 

Иймэрхүү хувирал нь хүнийг усны амьтан болгох гэнэ.

 

Эрэгтэй хүний хөгжил. Зургийг: Sci Fi Channel Europe LLC

 

Дэлхийд том сансрын биет унасны дараа гариг шинэ мөсжилтийн үед орж, нарны гэрэл нэвтрэх нь буурсан үеийн хүний хөгжлийн зураглалыг  Скиннер  бас эсрэгээр гаргажээ.

 

Нарны гэрлийн хомсдлоос мөн D амин дэмийн шингээлтийг сайжруулснаар хүний арьс, үсний өнгө цагаарах бөгөөд  хүйтэн агаарыг бүлээсгэх үүднээс  хүний нүүр, хамар томрох гэнэ.  Мөн үсэн бүрхүүл нэмэгдэх ажээ.

 

Скиннерийн  үзснээр, Ангараг гаригт амьдрах хүн эсрэгээр жижигрэх ёстой. Биеийн хүчний  шаардлага багасах учир  хүн жижигрэх бөгөөд эрүүний хөгжил нь эрчимтэй хувирах аж. Ер нь шүд бараг байхгүй болох гэнэ. Тэр нь хүнсний боловсруулалттай холбоотой. Тархи нь томорч ам нь залгих үүрэгтэй болох аж.

 

Бэлтгэсэн Ш.МЯГМАР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна