Б.Түвшинбат З.Энхзоригийг хожиж, хагас шигшээд үлдлээ

2016 оны 1 сарын 14

Боксын насанд хүрэгчдийн УАШТ Спортын төв ордонд үргэлжлэн явагдаж байна. Тэмцээний дөрөв дэх өдөр буюу өнөөдөр олон сонирхолтой тоглолтууд гарлаа. Тэр дундаа эрэгтэйчүүдийн 69 кг-ын жинд шөвгийн наймд оноолт таараад байсан Б.Түвшинбат, З.Энхзориг нарын тулаан хамгийн их хүлээлт үүсгэлээ. Энэхүү тоглолтод "Ариг" банк, "Хүч" спорт хорооны ОУХМ Б.Түвшинбат гурван үеийн турш илүүрхсэн тоглолт хийж 3:0-ээр ялалт байгуулж медалийн болзол хангалаа.

Дэлхийн “Универсиад” наадмын хүрэл, 2010 оны Дэлхийн оюутны аварга, 2006 оны Дэлхийн оюутны аваргын хүрэл, ААШТ-ий мөнгө, хүрэл медальт, ОУХМ Б.Түвшинбат өнгөрсөн оны Азийн аваргад шөвгийн наймд үлдэж, ДАШТ-д оролцох эрхээ авсан. Улмаар 2015 оны 10 дугаар сард Катарын Доха  хотноо болсон ДАШТ-д оролцож, эхний тойрогтоо Дэлхийн аваргын хүрэл медальт, Чехийн боксчин Зденек Чладекийг 3:0-ээр илүүрхэж, шигшээ наймд үлдэх хариуцлагатай тулаанд тэрбээр Хятадын Лю Вейд 0:3 харьцаагаар ялагдал хүлээсэн юм.

ФОТО. Архив.

Эрэгтэй 69 кг:

Шөвгийн найм:

  • А.Бадар-Ууган - Б.Мөнх-Ирээдүй
  • А.Цэрэндорж - Отгон-Эрдэнэ  0:3
  • Б.Түвшинбат - З.Энхзориг - 3:0
  • Д.Давааням - Ганзам (техникийн илт давуу байдлаар)

Ч.БОЛОР

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна