Футзалын өсвөрийн УАШТ-д орон нутгаас багууд оролцлоо

2016 оны 1 сарын 15

Сэтгүүлч:
Улаанбаатар

-“Сүхбаатар аймаг”, “Төв” аймаг болон “Замын-Үүд”-ийн “Түмэн Од” багууд хэсгээс гаран хасагдах шатанд өрсөлдсөн ч харамсалтай нь ялагджээ-

МХБХ-ны футзалын өсвөрийн УАШТ-ий 1/8 шигшээн тоглолтууд футзалын ордонд үргэлжилж байна. Тэмцээн U-11 болон U-13 гэсэн насанд зохиогдож байгаа юм. Тэмцээний ахлах буюу 13 хүртэлх насанд шилдэг найман багийн нэр тодроод байна.

Шөвгийн найм буюу  ¼ шигшээд “Арвис”, “Хараацай”, “Улаанбаатарын Унаганууд”, “Дэрэн”, “ИНХ”, “Хан-Уул дүүрэг”, “Алтанбөмбөг”, “ДМЮ” гэсэн багууд шалгарч үлдээд байна. Хөдөө орон нутгаас оролцсон есөн багаас “Сүхбаатар аймаг”, “Төв” аймаг болон “Замын-Үүд”-ийн “Түмэн Од” багууд хэсгээс гаран хасагдах шатанд өрсөлдсөн ч харамсалтай нь ялагдаж тэмцээнийг орхиж байна.

Өнөөдөр тэмцээний 11 хүртэлх насны шилдэг 16 баг хоорондын тоглолтоо хийж байна. Яаг одоогийн байдлаар “Сэлэнгэпресс”, “Монголын Тэмүүлэл”, “Архайнгай аймаг”, “Хараацай” мөн “ФС Сумида” багууд ¼ шигшээд оролцох эрхээ авж чадлаа. Энэ тойргийн хамгийн сонирхолтой тоглолт нь “Архайнгай аймаг” болон “Сүхбаатар” аймгийн багуудын тоглолт байсан. Үндсэн цагт “Архангай” аймгийн баг 3-2 харьцаатай ялалт байгуулсан. Дорнод аймгийн баг харин “ФС Сумида” багт 2-1ээр хожигдож тэмцээнийг орхилоо.

Одоо сонирхолтой гурван тоглолт үлдсэн байна. “Дархан шилүүс” ба “Эрхэс”, үүний дараа “Арвис” болон “Сүхбаатар дүүрэг”, хамгийн сүүлд “Чингэлтэй дүүрэг” ба “ГАЖА Зүүнхараа” багууд тоглох хуваарьтай байна.  

ЭХ СУРВАЛЖ: www.the-mff.mn

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна