Байнгын хороодын хуралдаан хойшиллоо

2016 оны 1 сарын 18

УИХ-ын Байгаль орчин, хүнс хөдөө аж ахуйн байнгын хороо, УИХ-ын Эдийн засгийн байнгын хорооны хуралдааныг өнөөдөр үдээс хойш 14.00 цагт зарласан байсан ч гишүүдийн ирц бүрдэхгүйгээс хоёулаа хойшиллоо.

Дээрх байнгын хороодоор Ноён уулыг улсын тусгай хамгаалалтад авах тухай, Гацууртын ордын төрийн эзэмшлийн хувь хэмжээ тогтоох тухай УИХ-ын тогтоолын төсөл зэрэг чухал хуулиудыг хэлэлцэхээр төлөвлөсөн байсан юм.

УИХ-ын даргын дэргэдэх зөвлөл өнгөрсөн баасан гаригт хуралдаад өнөөдөр хоёр байнгын хороог хуралдуулж, маргааш чуулганы нэгдсэн хуралдаан хуралдуулан, өнгөрсөн баасан гаригт хойшилсон асуудлуудаа хэлэлцэхээр төлөвлөсөн. УИХ-ын чуулганы нэгдсэн хуралдаанаар маргааш хэлэлцэх асуудалд Улс төрийн намын тухай хуулийн төсөл ч багтаж буй.

Г.ДАРЬ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна