Хурц арслангууд түрүү булаалдлаа

Жил бүрийн 1 дүгээр сард уламжлал болон зохиогддог Талх-Чихэр ХК-ны нэрэмжит Хэвийн боовны баярт зориулсан аймаг, цэргийн цолтой бөхчүүдийн барилдаан өчигдөр/01.17/ боллоо.

Барилдаанд аймгийн хурц арслан Б.Ганхуяг, Ш.Мөнгөнбаатар, С.Ариунбилэг, Н.Жаргалбаяр, Б.Мижиддорж, Ө.Сүхбат, О.Гантулга, Б.Батжаргал, аймгийн арслан М.Бадарч, О.Баярхүү, Б.Хашбат, Б.Батхуяг, Б.Тайван, Го.Отгонбаатар, Д.Анар тэргүүтэй бөхчүүд зодоглосноос Сэлэнгэ аймгийн Мандал сумын харьяат, Увс нуур дэвжээний бөх аймгийн хурц арслан Н.Жаргалбаяр түрүүлж, Сүхбаатар аймгийн Онгон сумын харьяат Алдар спорт хорооны бөх аймгийн хурц арслан Ш.Мөнгөнбаатар үзүүлэв.

Их шөвөгт Дорнод аймгийн Дашбалбар сумын харьяат, Бүрэн дуулга ХК-ны бөх аймгийн арслан Д.Анар, Ховд аймгийн Зэрэг сумын харьяат аймгийн арслан Б.Бат-Өлзий нар шалгарлаа.

Бөхийн өргөөний хойморт Талх-Чихэр ХК-ны удирдлагуудаас гадна маш олон Хөдөлмөрийн баатар цолтнууд тухалсан нь содон бөгөөд ойр хавьд давтагдахааргүй хүндэтгэлт үйл явдал байлаа.

Дөрвийн даваа

1.Б.Ганхуяг а.х.а –Г.Болдгэрэл а.н

2.Ш.Мөнгөнбаатар а.х.а –А.Саруулсайхан а.а

3.Н.Жаргалбаяр а.х.а -Х.Гантулга а.а

4.Б.Мижидсүрэн а.х.а -Ц.Мөнхбаяр а.а

5.Ө.Сүхбат а.х.а –Г.Баяржавхлан а.а

6.О.Гантулга а.х.а -Д.Амарсайхан а.а

7.Б.Хашбат а.а –П.Батмөнх а.а

8.Б.Тайван а.а -Ч.Хөхчирэнгэр а.а

9.Го.Отгонбаатар а.а -А.Давааням а.а

10.Д.Анар а.а -Н.Батсайхан а.а

11.Д.Амаржаргал а.а -М.Еркебулан а.а