Францын эдийн засаг онц байдалд байна

2016 оны 1 сарын 19

 

Франц улс эдийн засгийн онц байдалд байгааг ерөнхийлөгч Франсуа Олланд мэдэгдэв. Тэрбээр шинэ ажлын байр бий болгох хоёр тэрбум еврогийн төлөвлөгөөг танилцуулсан байна. Францын ажилгүйдлийн түвшин 10.6 хувьд хүрсэн нь Европын холбооны дунджаас /9.8 хувь/ давсан үзүүлэлт аж. Германд ажилгүйдлийн түвшин 4.2 хувьтай байдаг аж. Хоёр жилийн хугацаанд үргэлжлэх хөтөлбөрийн хүрээнд 250-аас доош ажилтантай фирм, компаниуд залуусыг зургаа болон түүнээс дээш сараар авч ажиллуулбал засгийн газраас тусламж үзүүлэх гэнэ. Түүнчлэн 500 мянга орчим залуусыг тусгай мэргэжлийн сургалтад хамруулах хөтөлбөрийг боловсруулжээ. Хөтөлбөрийн санхүүжилтийг нийтийн сангийн нөөцөөс гаргах аж.

 

Ажилгүйдлийн түвшин байнга өндөр байж, эдийн засгийн тодорхойгүй нөхцөл байдал үүссэн нь Франц улс эдийн засаг, нийгмийн онц байдалд орсныг илтгэж байна хэмээн Франсуа Олланд мэдэгджээ.

 

Б.АНХТУЯА

 

ЭХ СУРВАЛЖ: ВВС

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна