Дүрвэгчдийг англи хэл сурахгүй бол хөөнө гэв

2016 оны 1 сарын 19

 

Мусульман эмэгтэйчүүд англи хэлийг түвэггүй харилцах түвшинд сурч эзэмшихгүй бол Их Британи улсаас албадан гаргана гэдгийг ерөнхий сайд Дэвид Камерон мэдэгдлээ. Дэвид Камерон нийгмийн нэгдмэл байдлыг тогтоох зорилгын хүрээнд тусгаарлагдсан бүлгийн эмэгтэйчүүдэд англи хэлний боловсрол олгох  20 сая фунт-стерлингийн сан байгуулах болсноо зарлажээ.

 

Их Британийн цагаачлалын дүрэмд эхнэр/нөхрөө дагаж ирсэн хүмүүс англи хэлний мэдлэгтэй байхыг хэдийн заасан байдаг аж. Гэтэл тэднийг Их Британид ирснээс хойш 2.5 жилийн дараа хэлний мэдлэг нь сайжирсан эсэхийг шалгах тест авахаар болжээ. Хэрэв шалгалтаар англи хэлний мэдлэг нь сайжраагүй бол Их Британид оршин суух эрх нь цуцлагдах гэнэ.

 

Англид 190 мянга орчим мусульман эмэгтэйчүүд оршин сууж буйн 22 хувь нь бараг англи хэл мэддэггүй гэнэ. Түүнчлэн Англид ойролцоогоор 2.7 сая мусульман оршин суудаг гэсэн судалгаа гарчээ.

 

Б.АНХТУЯА

ЭХ СУРВАЛЖ: AGENCE FRANCE-PRESSE

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна