АНУ-ын таван мужид онц байдал зарлажээ

2016 оны 1 сарын 22

 

АНУ-ын зүүн зүгийн нутгаар ойрын хоёр хоногт цасан шуурга шуургатай байна. Цасан шуурганаар АНУ-д сүүлийн 100 жилд ороогүй их хэмжээний хур тунадас унахыг цаг уурын агентлагаас сэрэмжлүүлжээ. Цасан шуурганы улмаас АНУ-ын таван муж улсад онц байдал зарлаж, газар болон агаарын тээврийн үйлчилгээг зогсоосон аж. АНУ-ын Мэриленд, Хойд Каролина, Пеннсилвани, Виржиниа, Вашингтон муж улсад онц байдал зарлажээ.  Оршин суугчид цасан шуурганаас өмнө хүнсээ базаахаар супермаркетуудад урт дараалал үүсгэсэн байна.

 

Түүнчлэн АНУ-ын ерөнхийлөгч Барак Обамагийн автомашины цуваа өчигдөр /I.21/ нисэх буудлаас Цагаан ордон руу хүрэх замдаа багагүй саатсан байна. Нисэх буудлаас Цагаан ордон хүрэхэд энгийн үед 30 минут байдаг бол цасан шуурганы улмаас цаг 12 минут зарцуулжээ.

 

Б.АНХТУЯА

ЭХ СУРВАЛЖ: ВВС

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна