Т.Дариа Азийн аваргад түрүүлж, түүхэн амжилт үзүүллээ

2016 оны 1 сарын 24

Тайландад болж буй талбайн теннисний 14 хүртэлх насны Азийн аварга шалгаруулах тэмцээний охидын ганцаарчилсан төрөлд Т.Дариа аваргаллаа. Тэрээр өчигдөр болсон аваргын төлөөх тоглолтод Малайзын Э.Вэнийг 6:4, 6:2-өөр хожсон байна. 

Монголын талбайн теннисний түүхэн дэх анхны Азийн аварга болсон Т.Дариа гэр бүлийнхээ хамт Канад улсад амьдардаг бөгөөд энэ тэмцээнд шигшээ багийн бүрэлдэхүүнд багтан оролцсон юм.

Энэ сарын 17-ны өдөр эхэлсэн тус тэмцээнд 18 орны 76 тамирчин ганцаарчилсан, хос, холимог хосын төрөлд хурд хүчээ сорьж байна. Манай улсаас эрэгтэй, эмэгтэй тус бүр зургаан тамирчин өрсөлдөж буй. Тус тэмцээн энэ сарын 30-нд өндөрлөнө.

Ч.БОЛОР

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна