Ази Номхон далайн өргөн нэвтрүүлгийн холбооны ЕНБД-ыг хүлээн авч уулзав

2016 оны 1 сарын 25

Монгол Улсын Их Хурлын дарга Зандаахүүгийн Энхболд өнөөдөр /2016.01.25/ Ази Номхон далайн өргөн нэвтрүүлгийн холбооны Ерөнхий нарийн бичгийн дарга Жавад Моттагиг хүлээн авч уулзав. 

Ноён Жавад Моттаги, Улсын Их Хурлын даргыг цаг зав гарган хүлээн авч уулзсанд талархал илэрхийлээд дэлхийн 58 оронд 220 гаруй гишүүнтэй тус холбооны үйл ажиллагааныхаа талаар танилцууллаа. 1964 онд байгуулагдсан тус холбоо нь бүс нутагтаа өргөн нэвтрүүлгийн салбарыг хөгжүүлэх, гишүүн байгуулагуудынхаа дунд хамтарсан арга хэмжээ зохион явуулах үндсэн зорилготой ба Монгол Улсаас 12 байгууллага гишүүнээр элссэн байдаг талаар танилцууллаа. 

Уулзалтын үеэр Ази Номхон далайн өргөн нэвтрүүлгийн холбоон дахь Монголын телевизүүдийн оролцоо, байр суурь, хамтын ажиллагааны талаар санал солилцов. 

Энэхүү уулзалтад Улсын Их Хурлын даргын Нийгмийн бодлогын зөвлөх Ц.Буянцогтоо, МҮОНРТ-ийн ерөнхий захирал Ц.Оюундарь, Улсын Их Хурлын Тамгын газрын Гадаад харилцааны хэлтсийн дарга Ц.Нарантунгалаг нар байлцав.

ЭХ СУРВАЛЖ: УЛСЫН ИХ ХУРЛЫН ТАМГЫН ГАЗРЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна