2016 онд санхүүжүүлэх хөрөнгө оруулалтын төсөл, арга хэмжээг баталлаа

2016 оны 1 сарын 28

Нийслэлийн Засаг даргын Санхүү, эдийн засгийн асуудал хариуцсан орлогч Н.Батаа “Хөрөнгө оруулалтын ажлыг зохион байгуулах тухай” А/66 дугаар захирамж гаргалаа. Захирамжаар нийслэлийн төсвийн хөрөнгөөр 2016 онд санхүүжүүлэх хөрөнгө оруулалтын төсөл, арга хэмжээний жагсаалтыг баталлаа.

Батлагдсан төсөл арга хэмжээний гүйцэтгэгчийг сонгон шалгаруулах Үнэлгээний хороог нийслэлийн Засаг даргын захирамжаар байгуулж, худалдан авах ажиллагааг холбогдох хууль, журамд нийцүүлэн зохион байгуулахыг нийслэлийн Худалдан авах ажиллагааны газарт даалгав.

Хөрөнгө оруулалтын ажлыг гүйцэтгэлээр санхүүжүүлэхийг нийслэлийн Засаг даргын Тамгын газрын Санхүү, төрийн сангийн хэлтэст, захиалагчийн хяналт тавьж ажиллахыг нийслэлийн Хөрөнгө оруулалтын газарт, хөрөнгө оруулалтаар бий болсон хөрөнгийг нийслэлийн өмчид бүртгэн авч, эзэмшилт, ашиглалтын байдалд хяналт тавьж ажиллахыг Өмчийн харилцааны газарт тус тус үүрэг болголоо.
                                           

НИЙСЛЭЛИЙН ТӨСВИЙН ХӨРӨНГӨӨР 2016 ОНД САНХҮҮЖҮҮЛЭХ
ХӨРӨНГӨ ОРУУЛАЛТЫН ТӨСӨЛ АРГА ХЭМЖЭЭНИЙ
 ЖАГСААЛТ

                                                                                                                      /сая төг/

Төсөл, арга хэмжээний нэр, хүчин чадал, байршил

Хугацаа

Төсөвт өртөг

2016 онд санхүүжих

1

67 дугаар сургуулийн өргөтгөлийн барилга /СХД, 8 дугаар хороо/

2016

800,0

800,0

2

Өргөө амаржих газрын барилгын болон цахилгааны засварын ажил

2016

382,6

382,6

3

"Хүнс хангамж" НӨҮГ-ын агуулахын барилга /СХД/

2016

350,0

350,0

4

21 дүгээр сургуулийн спорт заалны засвар, бохирын нэгдсэн шугаманд холбох ажил /БЗД/

2016

75,0

75,0

5

Нарангийн үерийн хамгаалалтын барилга байгууламжийн II ээлж      11.8 км /СХД, 1,2,3,20 дугаар хороо/

2014-2017

31417,3

1000,0

6

Баруун уулын үерийн хамгаалалтын сувгийн засвар шинэчлэлт /ЧД, БГД/  11.0 км

2014-2017

16749,9

1000,0

7

Шавь цогцолбор сургуулийн сантехникийн засвар /БЗД, 5 дугаар хороо/

2016

94,0

94,0

 

ДҮН

 

49868,8

3701,6

ЭХ СУРВАЛЖ: НИЙСЛЭЛИЙН ЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна