Чуулганы хуралдаан эхлээгүй байна

2016 оны 1 сарын 28

УИХ-ын чуулганы нэгдсэн хуралдааныг өнөөдөр 09.00 цагт зарласан ч одоо хэр нь эхлээгүй байна. Хуралдаан эхэлбэл Үндсэн хуулийн цэцийн гишүүнийг эгүүлэн татах талаарх Улсын Дээд шүүхийн саналыг хэлэлцэх юм.

УИХ-ын Хууль зүйн байнгын хорооны хуралдаанаар өчигдөр дээрх асуудлыг хэлэлцээд Үндсэн хуулийн цэцийн дарга Ж.Амарсанааг чөлөөлөхийг олонхоороо дэмжсэн.

Мөн хуралдаанаар үдээс хойшдоо Ерөнхий сайдыг огцруулах тухай тогтоолын төслийг хэлэлцэхээр төлөвлөөд байна.

УИХ-ын Төрийн байгуулалтын байнгын хороо энэ асуудлыг өнөөдөр 16.00 цагаас хэлэлцэх юм. Тиймээс чуулганы хуралдаан оройтож сунжирч болзошгүй байна.

Г.ДАРЬ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна